Asian Games Jakarta 2018 ke 7we din Bharat ke liye 7wa Gold jeet ke Bharat ke khusiyon ko saatuwei aasman mein pohonchaya Tajinderpal Singh Toor ne. Shot Put game mein record breaking performance ke saath Gold jeeta Punjab ke yeh 23 saal ke thrower.

Gold jeetne ke baad Tajinderpal Singh Toor

Tajinder bachpan mein actually ek cricketer banna chahate the. Cricket ke hata ke Throwing events mein unhe laya unke pita Karam Singh Toor ne. Peshe se Kisaan Karam Singh Toor abhi Cancer se pirit hai. Filal unka Punjab ke ek hospital mein ilaaj chal raha hai. Gold jeetne ke baad apne pita ke bare mein soch ke ankhon mein aansu aa gaye the Tajinder ke. Tajinder ne kaha, "Main yeh Gold apne pita aur apne doston ko dedicate karta hu. Papa ke liye mere dost log hi sav kuch kar rahe hai. Mujhe unhone kuch bhi karne nahi dia. Isliye mera focus mere game se kabhi nahi hata. Aur iss hi ke liye aaj yeh Gold medal hai mere haath mein. Kuch din baad hi apne ghar laut ke Papa ke haath mein yeh medal deke unke chehere mein khusi dekhna hi hai mera eklauta lakshya".

Saturday ko hi, International Association of Athletics Federations ke President Sebastian Coa ne announce kiya , world ke top athletics meet yani Diamond League av se India mein bhi kiya jayega. President Coe ke announcement ko samman bajaye rakha Tajinder ki tezz ne. Jakarta mein iss event mein Tajinder ke ahem competitor the China ke Liu Yang aur Kazakistan ke Ivan Ivanov. Lekin Tajinder ke 6 dafa kosisi ke pehle dafa mein hi 19.96 metre dur throw kar ke sab ko pressure mein dal diya tha. 6ft 4inch height aur 135 kg ke Tajinder ne apne 5th kosis mein hi tor dia Games Record. Tajinder ne throw kiya 20.75 metre. Silver winner Liu Yang aur Bronze winner Ivan Ivanov, Tajinder ke aas paas bhi nahi pohonch paye. Liu Yang ne throw kiya tha 19.52 metre aur Ivan Ivanov ne 19.4 metre. 

Aap yakin na kare lekin Shot Put games mein India ke bohot achievements hai. Isse pehle 7 Bharatiya Asian Games mein Gold jeet chuke hai. Bahadur Singh, Om Prakash Karhana ke jagah leke accha ubhaar rahe hai Tajinder. Isse pehle Tajinder ne sirf Silver medal jeeta tha agle saal Bhuveneshwar mein ayojit Asia Meet competitions mein. Iss ke baad Ludhiana Federation Cup mein Tajinder ne 20.4 metre throw karke apna naya record banaya tha. Lekin iss baar ke Commonwealths games mein Tajinder ne bohot nirash kiya tha. Eight position pe the woh.

Eight position se Gold? Kya hai iska raaz? Gold jeetne ke baad raaz bataya Tajinder ne. Tajinder ne kaha, "Bohot mehnat karna para hai yahan tak aane ke liye. Papa ke tabiyat bigar ne ke baad bhi Dharamshala mein Coach M.S. Dhillon ke paas training liya hai. Lakshya sirf ek, jaise bhi karke 21 metre cross karna. Medal ke baad jehen mein nahi thi kabhi. Aaj pehli kosis mein 19.96 metre throw karne ke baad bhi Medal ke baare mein nahi socha maine. Lakshya sirf ek 21 metre cross karna. 5th dafa kosis karne ke baad laga haan sayad av mein Gold medal tak jeet sakta hu."

Av iske baad kya? Tajinder ka jawab, "2 din papa ke saath time spend kar ke jaunga Dharamshala. Phir karna hai practice, lena hai aur bhi training. Lakshya abhi bhi ek 21 metre cross karna."

Asian Games Jakarta 2018