Sunne mein hai ki Batsman Rohit Sharma Eden Garden se kavi bhi khali haath nahi lautte. Kal Captain Rohit Sharma bhi khali haath nahi laute. West Indies ke khilaf pehli T20 mein, mehmaan team ki kam runs hote huye bhi, ye match ek tarfa nahi hua. Bohot ki kamaal ki takkar di West Indies bowlers ne. I agree ki typical T20 jaise match nahi hua hai, Lekin ek match mein jo hum dekhna chahate the woh tha iss me. Kaate Ki Takkar. West Indies bohot kamal ke prayaso ke baad bhi akhir kar India ne yeh match jeeta 5 wickets se. Rohit ki captaincy mein aur ek jeet mili Men in Blue ko. Jis ka pura credit jata hai Kolkata Knight Riders ke Captain Dinesh Karthik ki responsible batting aur debutant Krunal Pandya ki aatishi paari ko.

Current Captain Virat Kohli nahi. Ex-Captain Mahendra Singh Dhoni bhi nahi. I guess isiliye T20 match hote huye bhi kuch hadd tak khali khali tha Eden Gardens. Lekin Match starting moment thi bohot hi yaadgar. Kyun ki Eden me bell baja ke match starting ka signal diya retired Ex-Captain Mohammad Azharuddin. Kal Virat Kohli ke nahone pe Team ka jimma tha Asia Cup Winning team Captain Rohit Sharma ke upar. Toss bhi jeeta Rohit ne. Aur aapne bowlers par pura pura bharosa karte huye pehle fielding karne ka decision liya. Un ke issi bharose par pura pura khara bhi utre Indian Bowlers.

Man of the Match Kuldeep Yadav

Pehle hi over se ladkharane lagi West Indies ki pari. Wicket-Keeper Dinesh Ramdin (2) shikar bane Umesh Yadav ka. Uske baad har ek overs mein Wicket girne ki jhari si lag gayi. Pehle West Indies rising star Shai Hope run out huye KL Rahul ke badolat. Phir Kuldeep Yadav ki spin ki koi jawab nahi tha aaj West Indies batsman ke paas. Kuldeep to jaise aaj bura sapna ban ke tut pare West Indies Batsmeno ke upar. Apne 4 overs mein sirf 13 runs de ke 3 wickets chatkayi Kuldeep ne. Umesh Yadav, Krunal Pandya, Jasprit Bumrah aur Khaleel Ahmed sav ko mila 1-1 wicket. 20 overs ke aant me West Indies ka score 109 pe 8 wickets. Iss 109 runs ka bhi pura credit jata hai Fabrian Allen aur Keemo Paul ko. Aatwe wickets ke liye in dono jore bohot kimti runs. Jahan Allen ne kiye 27 runs sirf 20 balls mein aur shikhar huye Khaleel Ahmed ka. Wahin Keemo Paul ne kiye 15 runs aur aant tak bane rahe crease par. Kuldeep Yadav ke 3-13 ki badolat West Indies ne India ko target diya sirf 110 runs ka. Isi wajah se Kuldeep bane Man of the Match.

Suruwat to India ke liye bhi kuch zyada acchi thi nahi. Sirf 6 runs bana ke Captain Rohit bane Thomas ke shikar. Shikhar Dhawan (3) ek bar phir huye fail. Accha khelte huye dikh rahe the KL Rahul (16) lekin zyader tik na paye. Rishabh Pant (1) bhi huye flop. Ek samay par 7.3 overs par India ka score tha 45 runs pe 4 wickets. Darsha bhi thore chinta pe par hi gaye the aur main bhi. Lekin tabhi crease pe aaye KKR Captain Dinesh Karthik. Aur unka pura pura saath diya Manish Pandey ne. 19 runs pe Manish Pandey, Pierre ke bowl par caught and bowled hote huye 31 runs bana kar aant tak tike rahe Karthik. Manish ke jaate hi crease par aaye Hardik Pandya ke bare bhai Krunal. Aate hi aatishi pari kheli Krunal ne aur jeet sunischit ki team India ke liye. sirf 9 balls par 3 chauke jar te huye 21 runs bana ne nabad rahe Krunal Pandya.

Aakhir kar 5 wickets se ye match aapne naam kiya Rohit & Company ne. Aanth bhala to sabh bhala. Aur aanth accha hi raha team India ke liye. Lekin Top orders ki failure, sochne pe majbur karengi Coach aur Captain ko.