Rohit Sharma ki reckless 133 runs ki innings. 10,000 clubs ken aye member bane Mahendra Singh Dhoni. Lekin inn sav ke baad bhi, Australia ke khilaf Pehle ODI mein 34 runs se shikast mili Virat Kohli ki Team India ko. Sydney mein ODI jeet ke 3 matches ki iss series mein 1-0 ki lead le li hai Australia ne.

Pehle batting karne utre Australian Team starting se hi Bowlers ke upar attack kar rahe the. Bhuveneshwar Kumar ho chahe Mohammad Shami ya Kuldeep Yadav – Australian Batting ke saamne saare bowlers ki economy rate 4.5 ke upar hi tha. Inn me se Bhuvi aur Kuldeep ko 2-2 wickets mile. Australia ke taraf se khel dikhaya Usman Khawaja (59), Shawn Marsh (54), Peter Handscomb (73) aur Marcus Stoinis (47).

Australia ke 289 runs ke target ka picha karte huye India pehle hi gawa baithe Shikhar Dhawan ko. 0 runs pe out huye humare yeh Gabbar. Iske just baad hi Richardson ke ball par caught out huye Captain Virat Kohli (3). Rohit aur Dhoni ke ilawa bhi Bhuvi ne bhi thori halat kabu mein lane ki kosis kari thi. Lekin 29 runs wasn’t enough. Akhir kar, 50 overs mein 9 wickets kho kar sirf 254 runs jod saki Team India. Aur Australi ko mili 34 runs ki ek chhoti lekin important jeet.