Soccer

New and Noteworthy

beingrahul
बार्सिलोनाले एमबाप्पे ल्याउन कोउटिन्हो अफर गर्ने !
स्पेनिस बार्सिलोनाले यो जनवरी सिजन र समर सिजनसम्ममा टोलीमा केही प्रमुख खेलाडी भित्र्याउन कसरत थालेको छ । जसमा उसले रक्षापंक्ति, मिडफिल्ड र फरवार्ड लाइनमा समेत नयाँ खेलाडी अनुबन्धको तयारी थालेको छ । पछिल्लो ट्रान्सफर चर्चाअनुसार बार्सिलोनाको आँखा फ्रेन्च क्लब पिएसजीका युवा फरवार्ड केलियन एमबाप्पेमाथि परिरहेको छ । फ्रेन्च युवा खेलाडीलाई आफ्नो जर्सीमा सुरक्षित गर्न बार्सिलोनाले विशेष योजना बनाएको खबर स्पेनका ठूला मिडियाले छापेका छन् । Original Image Source १९ वर्षीय एमबाप्पे ल्याउन बार्सिलोनाले मोटो रकम खर्चने तयारी गरेको छ । सो डिलमा उसले आफ्ना प्रमुख खेलाडी ब्राजिलियन फिलिपे कोउटिन्हो अफर गर्ने योजना बनाएको छ । बार्सिलोनाले कोउटिन्होलाई गत जनवरीमा इंग्लिस क्लब लिभरपुलबाट १ सय ६२ मिलियन युरोमा अनुबन्ध गरेको थियो । तर, पछिल्लो समय कोउटिन्होले अपेक्षा गरेजस्तो प्रदर्शन गर्न नसकेपछि उनको विकल्प खोज्नेबारे बार्सिलोनाको बोर्डले सोचिरहेको दाबी गरिएको छ । त्यसका लागि बार्सिलोनाले टोलीमा एक स्टार स्ट्राइकर ल्याउन कोउटिन्हो अफर गर्न सक्छ । यदि पिएसजीका एमबाप्पे अनुबन्ध गर्न सक्ने अवस्था बने बार्सिलोना सो डिलमा कोउटिन्हो दिन तयार हुन सक्छ । बार्सिलोनाले एमबाप्पेका लागि महँगो रकम खर्चनुपर्ने हुँदा आफूले पनि महँगै खेलाडी बेच्नुपर्ने हुछ । यतिबेला उसले कोउटिन्होलाई उचित विकल्प ठानेको छ । एमबाप्पे किन्ने अवस्था बने उसले कोउटिन्हो र केही रकम दिनेछ । बार्सिलोनाले अहिले मिडफिल्ड सुधार्न पिएसजीकै राबिओट र डच खेलाडी डे जोङमाथि विशेष चासो दिइरहेको छ । बार्सिलोनाँग अहिले पनि अर्थुरजस्ता प्रभावशाली युवा खेलाडी टोलीमा रहेकाले बार्सिलोनाले स्टार फरवार्ड ल्याउन एक प्रमुख खेलाडी बेच्ने सम्भावना रहेको छ ।
0.00
8
0